Lalangsè : 2 Nganjang Ka Pagèto, 2024, “Wanci Sunda Tandang Makalangan”

  • Whatsapp
banner 468x60

Ku : Wa’Ratno.

Pamilon milih Presidèn (Pilprès) masih lumayan panjang mun ngitung waktumah aya salapan las bulan deui kana tanggal 14 Fèbruari 2024, rarancang jadwal nu geus dikaluarkeun Komisi Pemilihan Umum (KPU) ngeunaan Pilprès taun 2024.

Muat Lebih

banner 300250

Sok sanajan jauh kènèh ceuk itungan kuring, tapi pikeun kontestasi Partey Politik (Parpol) gedèmah Pilprès tèh siga geus cuet, heureut waktu perlu gas poll pikeun nepikeun rarancang pemeunangan, pasti bakal karasa beurat Parpol- Parpol munggaran mah mingkin dukdek nyosialisasikeuna.

Teu ku hanteu konstelasi pupulitikan karasa haneut pikeun èlit jeung ketua Parpolmah, mimiti silih èlèdan ngawangun koalisi, sanajan masih can aya nu panceg.

Koalisi kudu dilakukeun Partèy Politik nu baroga korsi, salapan partèy politik di DPR RI nu ngawakilan rahayat saindonèsia, hiji hijina PDIP nu bisa laju nohonan kuota Presidential Threshole 20 %, tangtu boga tiket nyalonkeun Caprès/Cawaprès sosoranganan, nulainamah nya wayahna kudu ngawangun koalisi.

Ieu pastina teu gampang dilaksanakeun, jalaran koalisi bisa laksana gumantung kana kasepakatan kesepakatan Caprès/Cawaprès nubakal diusungna oge bagi rata kuèh kakuasaan.

Koalisi Parpol keur nyanghareupan taun 2024 ieu bakal asyik ngimeutanna, adu manis koalisi biasana diranggeuy kesapukan babagi kuèh kakuasaan sacara adil, ogè tangtungan Cprès/Cawaprès bakal mèrè harga, nu tangtuna pikeun diel diel pulitik.

Kamupakatan ngajangjikeun bakal mulus banglus ngarebut simpati ngahontal kakuasaan.
Parpol-parpol nu boga kasempetan pikeun Koalisi diluar Partey PDIP 128 korsi, boga kasempetan nyalonkeun Caprèsna sorangan, tapi can karuhan wani nangtungkeun, bakal ogè ngalakukeun koalisi, sabab boga kauntungan jadi care taker, atuh bisa milih Parpol mana waè seperti, Golkar 85 korsi (12,31 %), PAN 44 korsi ( 6,84 %), PPP 19 Korsi (4,52 %), Gerindra 78 korsi (12,57), Nasdem 58 korsi (9,05 %), PKB 58 korsi (9,69%), Demokrat 54 korsi (7,77%), PKS 50 korsi (8,21%).

Sèsa dalapan Partey lainna wajib , geura-geura ngawangun koalisi antara Parpol sahinasna pikeun nyiapkeun tur tatahar Pilprés taun 2024 nu bakal datang, bisi kaburitan katinggaleun momen penting, lèngkah nangtukeun koalisi anu jitu mangrupakeun wal muka luang jalan paharepan ngarebut korsi kakuasaan.

Caprès/Cawaprès nu katangen ayeuna dumasar kana èlèktabilitas tidata genep Lembaga survèy (bulan Mei 2022) nu nincak asup kana lima besar random pilihan masyarakat saIndonesia, samentara diantarana,
1. Prabowo Subianto,
2. Anis Baswedan,
3. Ganjar Pranowo,
4. Sandiaga Uno,
5. Ridwan Kamil.

Komposisi jeung persèntaseu ieu secara konsistèn teu pati karasa loba parobahan tetep nganteng kitu waè, sanajan sasalad sakadang covid, teu loba nyieun parubahan signifikan, paling ogè bakal karasa jeung katinggali parubahan na mangsa kahareup satutas jalan koalisi puguh nangtungkeun Capres/Cawapres jagoana.

Sakuringeun baè ieu mah mèrè luang karumasa ngarasa jadi urang Sunda, nya sanajan lain pituin oge kangaranan bumetah idek liher, lahir, gedè tug nepi kiwari hurip di tanah Sunda teu ku hanteu ngarasa reugreug tur reueus pisan.

Sanajan masih aya nangenan di posisi kalima numutkeun data ti genep Lembaga survei Caprès/Cawaprès ngaran Ridwan Kamil Gubernur Jawa Barat ayeuna, asup jadi calon Caprès/Cawaprès taun 2024 nu bakal datang, asa ngemplong kagunturan madu ngarasa reueus, asa kawakilan trah Sunda ku inyana.

Aya marwah Ki Sunda nudaèk teu daèk geus nyangkrung nèmpèl na diri inyana, barangtangtu jadi kabanggan warga Jabar hususna urang Sunda, kudu pisan direspon hade ku sakumna masyarakat, ku naon..?, geus lawas pisan urang leungiteun sosok pamingpin, tokoh nu boga kharisma di kancah nasional satutas Bang Ali Sadikin, Mang Ihin (Solihin GP).

Kapamingpinan urang Sunda nu Nyunda, sasat nyongcolang dipikagiwir jeung dipihormat ku balarèa, alatan anjeuna tigin, taya pamrih, pejuang nu jujur, teges pangpangna revolusioner dina mangsana.

Hiji kakuatan urang Sunda nu Nyunda èta kawilang nyampak dina diri Gubernur Ridwan Kamil ayeuna, mangga sami urang kaji perjalanan karirna tug dugi ka jadi pamingpin Jabar kiwari sasat mulus banglus taya lèlèda alatan kinerja saè, trèk rèkor hadè, modal awal maju ngariksa Nagara.

Waktuna geus nyanding pikeun urang balarèa warga Sunda tatan diri sabilulungan mupakat nanjeurkeun karaharjaan pengkuh nyepeng kahormatan Ki Sunda, najeurkeun kajayaan “Sunda Tandang Sunda Makalangan”.

Taya hal anu kabeneran salian keresaNa Pangeran, urang sadaya ukur narima, surti kana kahoyongNa mugia kabiruyungan…Cag !!. (***).

banner 300x250

Pos terkait

banner 468x60